Төрт саатка созулган эрекция: Бул жөргөмүштүн чагуусу эркектерге кандай таасир этет?

Zobolo — Бразилиялык кезген жөргөмүш (Phoneutria) дүйнөдөгү эң уулуу жөргөмүштөрдүн катарына кирет. Бул жандыктар желе токуп бир жерде отурбастан, азык издөө менен тынымсыз кыймылдап жүргөндүктөн «кезген жөргөмүш» деп аталып калган.

Адистердин айтымында, бул жөргөмүштүн чагуусу адамдын ден соолугуна олуттуу коркунуч келтирип, күчтүү ооруну, тердөөнү, жүрөк айланууну, кан басымдын кескин жогорулашын жана жүрөктүн тез согушун пайда кылат.

Мындан тышкары, эркектерде сейрек учурларда анын уусу приапизмди — жыныс мүчөнүн узак убакыт бою тыныкпай, эрксиз жана оорутуп турчу абалын пайда кылышы мүмкүн. Бул көрүнүш бир нече саатка чейин созулушу ыктымал. Уудагы айрым компоненттер нерв системасына таасир эткендиктен улам ушундай абал жаралат. Учурда окумуштуулар бул заттарды медициналык максатта изилдеп жатышат.

Эскертүү: Бул жөргөмүштүн чагуусу өзгөчө кооптуу жана тез арада медициналык жардамды талап кылат. Эгер ууланган адамда жагымсыз симптомдор же 4 сааттан ашык созулган оор абал катталса, дарыгерге тез кайрылуу кажет.

Булак: Zobolo масс-медиасы