Айгүл Жапарова Самарканддагы “IMKON” реабилитациялык борборунун ачылышына катышты

Zobolo — Кыргыз Республикасынын Биринчи айымы Айгүл Жапарова Өзбекстан, Ливан, Пакистан, Түркия, Зимбабвенин биринчи айымдары жана башка жогорку даражалуу коноктор менен биргеликте Самарканд шаарындагы “IMKON” көп тармактуу адистештирилген мектепке чейинки билим берүү уюмунун ачылыш аземине катышты.

Иш-чара “Балдардын бакубаттуулугуна инвестиция салуу: келечек муундардын туруктуу жана адилеттүү өнүгүүсүнө карай жол” аттуу Дүйнөлүк саммиттин жана Балдар онкологиясы боюнча II эл аралык конгресстин алкагында өткөрүлдү.

Кыдыруу учурунда жогорку даражалуу коноктор балдар үчүн түзүлгөн шарттарга жогору баа берип, демилгенин ийгиликтүү уланышына каалоо-тилектерин айтышты. Иш-чаранын соңунда балдар конокторго өз колдору менен жасаган эстелик белектерин тартуулашты.

Булак: Zobolo масс-медиасы