BTS «Бишкек Аренада» концерт береби?

Zobolo — Кыргызстандын маданий жашоосунда тарыхый окуя болуп, “Бишкек Арена” комплексинде дүйнөлүк жылдыз Шакиранын грандиоздук концерти ийгиликтүү өттү. Бул масштабдуу иш-чарадан кийин өлкөдөгү жаштар жана музыка сүйүүчүлөр социалдык түйүндөр аркылуу уюштуруучуларга жаңы жана чоң суроо-талап менен кайрыла башташты.

Алар эс алуу жана маданий жайлар дүйнөлүк деңгээлдеги жылдыздарды кабыл алууга толук даяр экенин көрсөтүп, эмки кезекте түштүк кореялык дүйнөгө белгилүү BTS (Bangtan Sonyeondan) тобун Бишкекке алып келүүнү суранышууда.

Бул демилге жөн гана каалоо эмес, өлкөнүн маданий аренада таанылышына, туризмдин өнүгүшүнө жана жаштардын заманбап тенденцияларга умтулуусуна чоң түрткү бере турган маанилүү кадам катары бааланууда. Социалдык тармактарда бул флешмоб күч алып, күйөрмандар уюштуруучулардан оң жооп күтүп жаткан чагы.

Булак: Zobolo масс-медиасы