Борбор калаа көркүнө чыгат: Бишкекте көздүн жоосун алган алп парк курулат

Бишкек шаарынын мэриясы Чокан Валиханов жана Иса Ахунбаев көчөлөрүнүн кесилишинде көп функционалдуу ири парк комплексин куруу боюнча макулдашууга кол койду.

Калаа башчысы Айбек Жунушалиевдин айтымында, бул объект келечекте Бишкектин визиттик картасы болуп калууга тийиш.

Долбоор шаар тургундары жана коноктору үчүн ыңгайлуу шарттарды түзүп, инфраструктураны жакшыртууга жана туристтердин кызыгуусун арттырууга багытталган. Инвестициялык келишимге калаа бийлигинен тышкары "Иллюзион.кг" компаниясынын башкы директору да кол койду.