Кыргызстанда журналисттер жана блогерлер үчүн тренинг өткөрүлдү
Zobolo — 17-ноябрда КР Президентине караштуу Антикоррупциялык ишкердик кеңешинин Катчылыгы жана Маданият, маалымат жана жаштар саясаты министрлиги тарабынан массалык маалымат каражаттарынын өкүлдөрү үчүн атайын тренинг уюштурулду.
Иш-чаранын негизги максаты журналисттердин, блогерлердин жана балдардын укуктарын коргоо, гендердик теңчилик, үй-бүлөлүк зомбулуктун алдын алуу, медиасабаттуулук жана коррупцияга каршы күрөшүү темаларын кесиптик этиканын негизинде сапаттуу чагылдыруу көндүмдөрүн жогорулатуу.
Тренингдин жүрүшүндө медиа чөйрөсүндөгү этикалык ченемдер, сотко чейинки талаш-тартыштарды медиация аркылуу жөнгө салуу механизмдери жана социалдык маанидеги маселелерди чагылдырууда жоопкерчиликти күчөтүү маселелери талкууланды. Иш-чаранын соңунда Башкы прокуратура менен биргеликте медиа-сыйлык уюштуруу жана медиа чөйрөсүндө ак ниеттүүлүк принциптерин бекемдөөчү декларация кабыл алуу демилгеси көтөрүлдү.
Булак: Zobolo масс-медиасы
Комментарийлер
Азырынча комментарий жок. Биринчи болуңуз!
Комментарий жазуу үчүн Telegram аркылуу кириңиз — сырсөзсүз жана почтасыз, 10 секундда.
Кирүү