ИИМдин «Мыйзамбек» аттуу жаңы санарип жардамчысы кимдерге жардам берет?

Zobolo — Ички иштер министрлиги жарандардын коопсуздугун камсыз кылуу жана кайрылууларды кабыл алуу процессин санариптештирүү багытында дагы бир маанилүү кадам таштады. Азыркы тапта сыноо режиминде милициянын «Мыйзамбек» аттуу виртуалдык жардамчысы ишке киришип, «Телеграм» мессенджеринде жарандардын кайрылууларын кабыл ала баштады.

Бул заманбап санариптик долбоор жарандардын укук коргоо органдары менен байланышын кыйлa жөнөкөйлөтүп, укук бузуулар тууралуу маалыматтарды ыкчам кабыл алууга багытталган.

«Мыйзамбек» жарандардын суроолоруна жооп берип, ар кандай кайрылууларды тез арада тейлеп, милициянын ишин калкка жакындатууга көмөктөшөт.

Учурда жардамчы тесттик режимде иштеп жаткандыктан, анын мүмкүнчүлүктөрү толук текшерилүүдө. Ар бир жаран «Телеграм» аркылуу бул жаңы кызматтын ишин байкап, өз суроолору менен кайрыла алат.

Булак: Zobolo масс-медиасы