Бишкектин вице-мэри Рамиз Алиев: Элден тизелеп кечирим суроого даярмын

Zobolo — Бишкек шаарынын вице-мэри Рамиз Алиев атасынын дүкөнү боюнча коомчулукта кызуу талкуу жараткан маселеге түшүндүрмө берди. Анын айтымында, Пишпек конушундагы Тойгонбаев көчөсүндө жайгашкан дүкөн атасына 2001-жылдан бери таандык. Жер тилкеси жеке менчик экенин, ал эми дүкөндүн тепкичи турган 8 чарчы метр жер гана ижарага алынганын билдирди.

Вице-мэр мэрияда иштеген мезгилинде муниципалдык жерлерди туугандарына же досторуна мыйзамсыз берген эместигин кескин түрдө четке какты. Учурда бул факты боюнча укук коргоо органдары тарабынан текшерүү иштери жүрүп жатат.

Эгер бир сантиметр жерди жакындарыма мыйзамсыз бергеним далилденсе, мыйзам алдында жооп берүүгө жана элден тизелеп кечирим суроого даярмын, — деди вице-мэр.

Булак: Zobolo масс-медиасы