Шаар тургундары абанын сапатын кантип онлайн текшере алат? Кенен маалымат

Zobolo — Кыргызгидромет Бишкек шаарындагы абанын тазалыгына 14 стационардык, 1 автоматтык станция жана 50 датчик аркылуу күнү-түнү көзөмөл жүргүзүүдө. Учурда бул тууралуу соңку маалыматтар мекеменин расмий сайтында жеткиликтүү.

Шаар тургундары абанын сапатын онлайн режиминде текшерип туруу үчүн Кыргызгидрометтин сайтына кирүүсү жетиштүү. Сайтта соңку 24 саат ичиндеги абадагы зыяндуу заттардын концентрациясы тууралуу маалыматтар жарыяланып турат. Бул көрсөткүчтөр калаадагы абанын булгануу деңгээлин так баалоого чоң жардам берет.

Белгилей кетсек, абанын сапатынын индекси түстөр аркылуу төмөнкүдөй бөлүнөт:

• жашыл — коопсуз;

• сары — коркунучу азыраак;

• кызыл — кооптуу;

• сыя көк — өтө кооптуу.

Атайын интерактивдүү карта аркылуу Бишкек шаарындагы абанын тазалыгына байкоо жүргүзүү пункттарынын жайгашкан жерин жана алардагы соңку көрсөткүчтөрдү көрүүгө болот.

Булак: Zobolo масс-медиасы