Айылдыктар эрин, шаардыктар мэрин жемелей турган мезгил келди. Баш калаада жылуулуктун абалы кандай?

Zobolo — Бүгүнкү күндө «Бишкек жылуулук энерго» муниципалдык ишканасынын абоненттеринин 91 пайызы жылытуу системасына кошулду. Калган абоненттерди кошуу иштери улантылууда.

Жылытуу мезгили башталганда система жылуулук алып жүрүүчү суу менен акырындык менен толтурулуп, адистер жабдууларды этап-этаби менен ишке киргизип, жөнгө салышат. Бул процессти жүргүзүү жана жабдуулардын иштешин текшерүү белгилүү бир убакытты талап кылгандыктан, ысык суу менен камсыздоодо убактылуу үзгүлтүктөр болушу мүмкүн. Муниципалдык ишкана шаар тургундарын бул иштерге түшүнүү менен кароого чакырат.

Эгерде батирде же үйдө жылуулук жок болсо, жабдуулар иштебей калса же жылуулук менен камсыздоого байланыштуу башка көйгөйлөр жаралса, тургундар ишкананын күнү-түнү иштеген диспетчердик кызматына төмөнкү номерлер аркылуу кайрыла алышат:

• 0701 77-71-10;

• 0312 21-29-06.

Булак: Zobolo масс-медиасы