Астанадагы Дүйнө чемпионаты: Бүгүн 4 балбаныбыз килемге чыгат

Zobolo — Бүгүн, 24-октябрда Казакстандын борбору Астана шаарында чоңдор арасындагы спорттук күрөш боюнча дүйнө чемпионаты башталды. Алгач килемге грек-рим күрөшүнүн өкүлдөрү чыгып, 55, 60, 77 жана 82 килограммга чейинки салмактарда күч сынашууда.

Мелдештин биринчи күнүндө Кыргызстандын улуттук курама командасынын төрт балбаны килемге чыгат:

• 55 кг чейин: Кутман Калбаев алгачкы беттешин украиналык Кориун Саградянга каршы өткөрөт.

• 60 кг чейин: Курманбек Жапаров мелдешти 1/16 финалдык баскычтан баштайт. Анын атаандашы — Индиянын өкүлү Харш.

• 77 кг чейин: Ырыскелди Максатбек уулу 1/8 финалга чыгуу үчүн германиялык балбан Сэмюэл Бельшайдт менен беттешет.

• 82 кг чейин: Акжол Махмудов 1/16 финалда египеттик балбан Эмад Ашраф Абу-Латта менен күч сынашат.

Булак: Zobolo масс-медиасы