Онкология борборуна 2,5 миллиард сом бөлүнөт

Zobolo — Улуттук онкология жана гематология борборуна мамлекеттик бюджеттен 2,5 миллиард сом каражат бөлүнөт. Бул тууралуу саламаттык сактоо министринин орун басары Нурбек Букуев билдирди.

Анын айтымында, буга чейин медициналык мекеменин жылдык бюджети 200 миллион сомдун тегерегинде гана болуп, бул каражат химиотерапиянын кымбат дарыларына жумшалчу.

«Дүйнөдө көптөгөн таргеттик препараттар чыгууда, бирок алардын баасы өтө кымбат. Бардык бейтаптарды дары-дармек менен толук камсыз кылуу үчүн орто эсеп менен 7-7,5 миллиард сом керек. Быйыл Онкология борборунун бюджети бир миллиард сомдун тегерегинде болсо, президенттин чечими менен биринчи жолу 2,5 миллиард сом бөлүнүп жатат», — деди Букуев.

Булак: Zobolo масс-медиасы