Мешти кантип оңой тазаласа болот?

Zobolo — Кээ бир адамдар айрым үй иштерин улам артка жылдырып жүрө беришет. Ошолордун бири — духовканы тазалоо. Анткени анын ичиндеги күйүк май (нагар) катып, кетпей тургандай сезилет. Бирок аны күч жумшабай эле, бир түндө тазалоонун жөнөкөй ыкмалары бар.

Эмне үчүн түнкү ыкма натыйжалуу?

Бул ыкманын сыры — бууда. Аммиак же уксус буусу духовканын ичиндеги каткан майга сиңип, аны жумшартат. Натыйжада эртең менен кирлер оңой эле сүртүлүп түшөт.

Аммиак менен тазалоо

Бул ыкманы көбүнчө кесипкөй тазалоочулар колдонушат.

Алгач, духовканы 65–80 °C чейин ысытып, өчүрүңүз. Ичине аммиак куюлган идишти жана кайнак суу коюңуз да, эшигин жаап туруп, таңга чейин калтырып коюңуз.

Түн ичинде аммиактын буусу баардык майды жумшартып чыгат. Эртең менен болгону чүпүрөк менен сүртүп коюу жетиштүү.

Уксус менен альтернатива

Эгер сизге аммиактын жыты жакпаса, уксус колдонсоңуз болот. Ал үчүн духовканы алдын ала ысытып, ичине уксус жана кайнак суу куюлган идиш коюңуз да таңга чейин калтырыңыз. Бул ыкма бир аз жайыраак иштейт, бирок коопсузураак жана жагымсыз жыт калтырбайт.

Эмне үчүн бул ыкма жеңил?

Бул жерде негизги ишти сиз эмес, буу аткарат. Сиз уктап жатканда буулар нагарды жумшартып, анын түзүлүшүн бузат.

Таң атканда духовкаңыз дээрлик жаңыдай болуп калат. Эң башкысы — күч жумшап, щётка менен узакка сүртүүнүн кереги жок. Жөнөкөй ыкма менен убакытты да, күчтү да үнөмдөй аласыз.

Булак: Zobolo масс-медиасы