Германиядагыдай кылабыз! Жапаров баардык айылдардын жолу асфальттала турганын билдирди

Zobolo — Президент Садыр Жапаров 23-октябрда Ноокен районунун жана Майлуу-Суу шаарынын тургундары менен жолугушууда Кыргызстандагы баардык айылдардын ички жолдорун толугу менен асфальттоо максаты турганын билдирди.

Мамлекет башчысы Европа өлкөлөрүндө, анын ичинде Германияда айылдардын жана токойлордун ичиндеги жолдорго чейин асфальт төшөлүп, тазалык сакталарын мисал келтирди.

"Мен Европада төрт жыл жашап, көп жерлерин кыдырып көргөм. Германияда айылдардын, токойлордун ичиндеги жолдорго чейин асфальт төшөлгөн, көчөлөрү таптаза. Ошондуктан менин алдыга койгон максатым, планым — ар бир айылдын ичине чейин асфальт төшөөгө жетишүү. Сиздин айылга да кезек келет", — деди Президент.

Булак: Zobolo масс-медиасы