Президентке жеткен чуулгандуу аферанын артында эмне турат?

Zobolo — Президент Садыр Жапаровдун 23-октябрда Ноокен районунун жана Майлуу-Суу шаарынын эли менен болгон жолугушуусунда Россияда мекендешине алданган кыргызстандыктардын бири мамлекет башчысына кайрылып, көйгөйүн чечип берүүнү өтүндү.

Жабырлануучу президентке жеке өзү кайрылуу үчүн атайын Кыргызстанга келгенин айтып, Россияда мекендештер бири-бирин алдап, кылмыш жасап кийин Кыргызстанга качып келип жатканын билдирди. Анын айтымында, 60ка жакын адамдан турган топ акыркы 3-4 жылда 100 миллион сомдон ашык каражатка алданган, алдамчы анын өзүнө эле 15 миллион сом карыз. Шектүү катары Жети-Өгүз районунун Ак-Өгүз айылынын тургуну көрсөтүлүп жатат.

Президент Садыр Жапаров бул маселени жеринде угуп, тиешелүү укук коргоо органдарына окуяны тыкыр иликтеп, көзөмөлгө алууга катуу тапшырма берди.

Булак: Zobolo масс-медиасы