Зеленский Эрдогандан Путин менен жолугушуу үчүн көмөктөшүүнү өтүндү

Zobolo — Украинанын президенти Владимир Зеленский Түркиянын башчысы Режеп Тайип Эрдоганга кайрылып, Россия лидери Владимир Путин менен бетме-бет жолугушуу уюштурууга көмөктөшүүсүн өтүндү. Бул тууралуу РИА Новости Зеленскийдин түрк ЖМКларына берген маегине шилтеме берип жазды.

Зеленскийдин айтымында, Түркия лидеринин Россия тарап менен байланышы бар болгондуктан, Анкара эки тараптуу сүйлөшүүлөр үчүн эң ыңгайлуу аянтча боло алат.

Президент Эрдогандын Путин менен байланышы бар экенин билем. Анкара Украинадагы абалды жөнгө салуу боюнча сүйлөшүүлөрдө ортомчу боло аларына ишенем», — деди Украинанын президенти.

Өз кезегинде Анкара бул өтүнүчтү кабыл алып, сүйлөшүүлөрдү өз аянтчасында каалаган деңгээлде өткөрүп берүүгө даяр экенин билдирди.

Белгилей кетсек, буга чейин Россиянын тышкы иштер министри Сергей Лавров эгер Зеленский Путин менен жолуккусу келсе, Москвага келиши керектигин айткан болчу. Ал эми Путиндин жардамчысы Юрий Ушаков Зеленский ар кандай булактар аркылуу сүйлөшүүгө даяр экенин билдирип жатканын маалымдаган. Өз кезегинде Владимир Путин Украинадагы абалды жөнгө салуу боюнча сүйлөшүүлөрдү үч тараптуу форматта жандандырууга даяр экенин жарыялап, сүйлөшүүлөрдүн негизги максаты тараптардын коопсуздук кепилдиктерин талкуулоо экенин баса белгилеген.

Источник: Масс-медиа Zobolo