Таш-Мойноктогу мыйзамсыз жерлер мамлекетке өткөрүлдү

Zobolo — Аламүдүн районунун прокуратурасы тарабынан жүргүзүлгөн текшерүүнүн натыйжасында мамлекетке караштуу ири көлөмдөгү жер тилкеси кайтарылды.

Маалым болгондой, 1998-жылы Таш-Мойнок айыл аймагында жайгашкан жалпы аянты 0,54 гектарды түзгөн жайыт жерлери «К.» жоопкерчилиги чектелген коомуна мыйзамсыз түрдө жеке менчикке өткөрүлүп берилгендиги аныкталган.

Прокурордук көзөмөл акттары жана көрүлгөн чаралардын жыйынтыгында, жалпы баасы 70 миллион 540 миң 200 сомду түзгөн бул жайыт жерлери толугу менен мамлекеттин менчигине кайтарылды.

Булак: Zobolo масс-медиасы