Бишкектеги үйлөрдүн биринен жашыруун алкоголь цехи табылды

Zobolo — Бишкек шаарында үйдөн мыйзамсыз түрдө алкоголдук продукция даярдоо фактыларынын бети ачылды. Бул тууралуу бүгүн, 3-ноябрь күнү Мамлекеттик салык кызматынан маалымдашты.

Ведомствонун маалыматына ылайык, ыкчам текшерүү иш-чараларынын жүрүшүндө бөтөлкөлөргө куюлуп сатууга даярдалган 218 литр алкоголдук продукция жана 224 миң 557 даана жасалма акциздик марка табылып, конфискацияланды. Мыйзамсыз аракеттер боюнча бардык топтолгон материалдар тиешелүү укук коргоо органдарына өткөрүлүп берилет.

Спиртти жана алкоголдук продукцияны өзгөчө ири өлчөмдө мыйзамсыз өндүргөндөргө 50 миң сом айып пул салуу же 5 жылга чейин эркинен ажыратуу жазасы каралган, — деп айтылат маалыматта.

Булак: Zobolo масс-медиасы