Токаев Россияны Түрк мамлекеттер уюмуна кошууну сунуштады

Zobolo — Казакстандын президенти Касым-Жомарт Токаев Россияны Түрк мамлекеттер уюмунун (ТМУ) ишине байкоочу катары катышууга же «ТМУ+» форматына кошулууга чакырууну сунуштады. Бул тууралуу ал уюмдун Анкарада өткөн саммитинде сүйлөп жатып сөз кылды.

Токаевдин айтымында, Россия түрк дүйнөсү менен кылымдардан бери тыгыз байланышта жана анын аймагында көптөгөн түрк элдеринин өкүлдөрү жашайт.

Ошондой эле ал Россиянын «Алтай — түрк цивилизациясынын бешиги» долбоорун колдоп, орус тилиндеги бир катар сөздөр түрк тилинен келип чыкканын белгиледи. Казак лидери Россиянын уюм менен кызматташуусу бардык мүчө мамлекеттерге пайда алып келет деген пикирде.

Булак: Zobolo масс-медиасы