Өзбекстандын такси рыногуна кытайлык компания кирүүнү көздөөдө

Zobolo — Кытайлык компания Өзбекстандын такси тармагына кирип, рынокко 5 миң автоунаа чыгарууну жана өз тиркемесин ишке киргизүүнү пландоодо. Бул тууралуу Spot басылмасына курган маегинде транспорт министринин биринчи орун басары Мамамбий Омаров билдирди. Министрлик өкүлү компаниянын атын жана долбоордун башталгыч мөөнөтүн тактаган жок, бирок жаңы ишкана жакынкы арада иш баштаарын белгиледи.

Бул кабар аймактагы эң ири такси кызматы — Yandex Go сервизинин ишинде массалык үзгүлтүктөр катталган учурга туш келди. Буга чейин Кыргызстан, Казакстан жана Өзбекстанда «Яндекстин» кызматтары иштебей калып, баалар бир нече эсе кымбаттаганы жарандардын нааразылыгын жараткан эле.

Маалыматка ылайык, көйгөйлөр Россиядагы дата-борборлордун бири дрон чабуулунан жабыркагандан кийин келип чыккан.

Булак: Zobolo масс-медиасы