Исхак Масалиев президенттикке талапкерлигин көрсөттү

Zobolo — Бүгүн, 6-ноябрда саясатчы Исхак Масалиев президенттикке талапкерлигин көрсөтүү ниети менен Борбордук шайлоо комиссиясына (БШК) расмий түрдө кайрылды.

Белгилей кетсек, БШК президенттикке талапкер боло турган жарандардын арыздарын 13-ноябрга чейин кабыл алат.

Исхак Масалиев тууралуу маалымат:

• Жашы: 66да.

• Билими: 1986-жылы Кыргыз мамлекеттик университетинин тарых факультетин, ал эми 1994-жылы юридикалык факультетин аяктаган.

• Эмгек жолу: Ишмердүүлүгүн 1982–1986-жылдары Кыргыз мамлекеттик университетинде мугалим болуп баштаган.

• Мамлекеттик кызматтагы тажрыйбасы: 1989–1993-жылдары Ош облусунун ички иштер органдарында, ошондой эле Бажы кызматында эмгектенген.

• Депутаттык ишмердүүлүгү: 2005-жылы Жогорку Кеңештин депутаты болуп шайланып, кийинчерээк парламенттин үч чакырылышынын депутаттыгын аркалаган.

Булак: Zobolo масс-медиасы