Президенттин иш башкармалыгынын чыгашалары 7 эсеге көбөйүп, 23,18 млрд сомго жетет

Zobolo — Министрлер кабинети 2026-жылга карата өзгөртүлгөн мамлекеттик бюджеттин долбоорун Жогорку Кеңешке сунуштады. Жаңы документке ылайык, Президенттин иштерин башкаруу башкармалыгын каржылоо 23,18 миллиард сом деп белгиленүүдө. Бул мурда бекитилген 3,42 миллиард сомдон дээрлик жети эсе көп.

Аталган мекеменин жалпы каржылоо көлөмү 19,76 миллиард сомго көбөйөт. Бул каражаттын 14,56 миллиард сому түздөн-түз бюджеттик бөлүштүрүүлөрдөн, ал эми 8,62 миллиард сому атайын эсептерден алынат. Ошондой эле мамлекеттик маанидеги милдеттерди аткаруу үчүн зарыл болгон ар кандай товарларды жана кызматтарды сатып алууга болжол менен 4,68 миллиард сом каралган.

Каржы министрлигинин адистеринин түшүндүрмөсү боюнча, чыгашалардын мындай кескин өсүшү башкармалыктын карамагына жаңы мекемелердин жана долбоорлордун кошулганы менен байланыштуу.

Булак: Zobolo масс-медиасы