Онкология борборуна жасалма интеллект менен жабдылган заманбап УЗИ аппараттары орнотулду

Zobolo — Улуттук онкология жана гематология борборуна жасалма интеллект технологиялары менен жабдылган Mindray Resona R9 үлгүсүндөгү төрт премиум класстагы УЗИ (ультрадобуштук) аппарат орнотулду.

Саламаттык сактоо министринин орун басары Нурбек Букуев диагностикалык жабдууларды жаңылоо медициналык жардамдын сапатын жогорулатуунун маанилүү бөлүгү экенин белгиледи.

Анын айтымында, жасалма интеллект технологиялары дарыгерлердин ишинде кошумча жардамчы курал болуп, бейтаптарга өз убагында так диагноз коюуга чоң шарт түзөт.

Ошондой эле эми эхокардиографиялык изилдөөлөрдү түздөн-түз онкологиялык борбордун өзүндө жүргүзүүгө мүмкүнчүлүк түзүлдү.

Булак: Zobolo масс-медиасы