Саламаттык сактоо министри энергетикалык суусундуктарга тыюу салуу демилгесин колдоду

Zobolo — Саламаттык сактоо министри Дамирбек Осмонов президент Садыр Жапаровдун Кыргызстанда энергетикалык суусундуктарга тыюу салуу демилгесин толугу менен колдоого алды. Министр бул кадамды улуттун генофондун сактап калууга багытталган тарыхый чечим катары баалады.

Осмоновдун айтымында, өлкөдө жыл сайын 54 миллион литрден ашык химиялык суусундуктар ичилип, бул жаштардын ден соолугуна, атап айтканда жүрөк, бөйрөк ооруларына жана кант диабетине алып келүүдө. Ошондой эле ал алты айдын ичинде бул суусундуктарды сатууну чектей турган мыйзамдык чаралар иштелип чыгарын билдирди.

Буга чейин президент Садыр Жапаров энергетикалык суусундуктарды өндүрүүгө жана импорттоого тыюу салуу маселесин тез арада карап чыгууну тапшырган болчу.

Булак: Zobolo масс-медиасы