7-ноябрга карата аба ырайы. Кайсы аймакта кар жаап, кайсы аймакта күн ысыйт?

Zobolo — Бүгүн, 7-ноябрга караган түнү Жалал-Абад облусунун айрым аймактарында жамгыр жаап, тоолуу райондордо кар түшөрү күтүлүүдө. Батыш тараптан соккон шамалдын ылдамдыгы секундасына 4-9 метрге жетет.

Ал эми күндүзү өлкө аймагында күн ачык болуп, жаан-чачын күтүлбөйт. Бул тууралуу Кыргызгидромет маалымдады.

Абанын күндүзгү температурасы:

• Чүй, Ош, Жалал-Абад жана Баткен облустарында: +20…+25 градус;

• Талас өрөөнүндө: +15…+20 градус;

• Ысык-Көл облусунда: +9…+14 градус;

• Нарын чөлкөмүндө: +8…+13 градус жылуу болот.

Борбор калаа Бишкекте жана Ош шаарында абанын температурасы +22…+24 градуска чейин жылыйт.

Булак: Zobolo масс-медиасы