КОҢГУРОО: Кыргызстанда үшүк жүрүп, абанын температурасы кескин төмөндөйт

Zobolo — Өзгөчө кырдаалдар министрлиги бүгүн жана эртең, 24–25-октябрда өлкөнүн аймагында үшүк жүрөрүн кабарлап, дыйкандарга шашылыш эскертүү жарыялады.

Синоптиктердин маалыматы боюнча, облустарда абанын температурасы төмөнкүчө төмөндөйт:

• Түнкүсүн жана эртең менен Чүй, Талас жана Ысык-Көл облустарынын дыйканчылык аймактарында —1…—3 градуска чейин суук түшөт;

• Чүй облусунун түндүгүндө, Талас облусунун Кара-Буура районунда жана Ысык-Көл облусунун Түп районунда абанын температурасы —3…—5 градуска чейин төмөндөйт;

• Ош, Жалал-Абад жана Баткен облустарынын тоо этектеринде 0…—2 градуска чейин үшүк жүрүшү күтүлөт.

«Мындай аба ырайы мөмө жана жашылча жемиштерге, ошондой эле казылып алынган жана жабылбаган картошка менен кант кызылчасына кооптуу», — деп эскертти Кыргызгидромет.

Булак: Zobolo масс-медиасы