Ошто акча алмаштыруучу жайдын ээсин өлтүргөн шектүү өмүр бою эркинен ажыратылды

Zobolo — Ош шаарында валюта алмаштыруучу түйүндүн кожоюнун мыкаачылык менен өлтүргөн жаранга карата сот өкүмү чыкты. Бул тууралуу Ош шаардык соту билдирди.

Билдирмеге караганда, соттун чечими менен айыпталуучунун мүлкү конфискацияланып, ал өмүр бою эркиндигинен ажыратылды.

Каргашалуу окуя ушул жылдын май айында катталган. 38 жаштагы шектүү акча алмаштыруучу жайга кирип барып, 35 жаштагы жабырлануучуга бычак менен бир нече жолу сайган. Алган жаракаттарынын салтынан жабырлануучу оорукананын жандандыруу бөлүмүндө каза болгон.

Шектүүнү кармоо учурунда ал өз жанын кыюуга аракет жасаган, бирок милиция кызматкерлери анын бул аракетинин алдын алып, кармашкан.

Аталган факт боюнча Кылмыш-жаза кодексинин 122-беренеси ("Адам өлтүрүү") менен кылмыш иши козголгон. Тергөө жана соттук териштирүүлөрдүн жыйынтыгында айыпталуучунун мурда соттолгону аныкталган. Шектүү төрт баланын атасы болсо (мурунку жубайы менен ажырашкан), маркумдун артында үч баласы калды.

Булак: Zobolo масс-медиасы