Пенсия курагындагы мугалимдер иштен жапырт бошотулбайт

Zobolo — Билим берүү жана илим министрлиги мугалимдердин эмгек акысы жогорулатылгандан кийин мектептерге жана билим берүү уюмдарына жумушка орношууну каалагандардын, анын ичинде жаш адистердин саны көбөйгөнүн билдирди. Буга байланыштуу министрлик жаш кадрларды тартуу менен катар тажрыйбалуу педагогдордун дараметин сактап калуу жана колдонуу жолдорун караштырууда.

Ведомстводон белгилегендей, пенсия курагындагы мугалимдер жумуштан жапырт алынбайт. Алардын көп жылдык тажрыйбасын натыйжалуу пайдалануу максатында төмөнкүдөй мүмкүнчүлүктөр каралууда:

• Жаш мугалимдерге насаатчылык кылуу жана усулдук колдоо көрсөтүү;

• Педагог-ассистент жана консультант катары иш алып баруу;

• Башка билим берүү программаларына катышуу.

Министрлик ар бир педагогдун кесиптик тажрыйбасы билим берүүнүн сапатын жогорулатууга чоң салым кошоорун баса белгилейт.

Булак: Zobolo масс-медиасы