Жалал-Абад облусунда жаңы турак жайлар жана социалдык объектилер ишке берилди

Zobolo — Жалал-Абад шаарында 15 кабаттуу "Асман Резиденс-7" турак жай комплекси пайдаланууга берилди. Анын ачылышына Министрлер кабинетинин төрагасы Адылбек Касымалиев катышканын өкмөттүн маалымат кызматы билдирди.

Маалыматка ылайык, "Асман Резиденс-7" 15 кабаттуу 12 блоктон туруп, жалпы 1 065 батирди камтыйт. Ошондой эле Жалал-Абад шаарындагы 600 батирлүү "Асман-8" жана Сузак районундагы 312 батирлүү "Асман-14" турак жайлары да салтанаттуу түрдө ачылды.

Мындан сырткары, Төрага Адылбек Касымалиев Жалал-Абад облусундагы дагы 14 объектинин ачылышына онлайн форматта катышты. Алардын катарында:

• Жалал-Абад мамлекеттик университетинин кошумча корпусу;

• Жаңы мектептер;

• Гулистан айылындагы фельдшердик-акушердик пункт (ФАП);

• Базар-Коргон районундагы кыш заводу;

• Ноокен жана Сузак райондорундагы спорт жана маданият жайлары бар.

Булак: Zobolo масс-медиасы