Кыргызстанда азык-түлүк эмне үчүн кымбаттап жатат? Антимонополия кызматынын жообу

Zobolo — Кыргызстанда социалдык маанидеги товарлардын баасынын өсүшүнө таасир эткен төрт негизги фактор аталды. Бул тууралуу Монополияга каршы жөнгө салуу кызматы билдирди.

Алар:

• Логистика — чийки затты жана даяр продукцияны ташуу чыгымдары.
• Валюта курсу — сомдун наркынын импорттук товарлардын баасына тийгизген таасири.
• Өндүрүш чыгымдары — электр энергиясы, чийки зат, жабдуулар жана кызматкерлердин айлык акысы.
• Мезгилдик фактор — айрым товарларга суроо-талаптын убактылуу өсүшү.

Мыйзамга ылайык, социалдык маанидеги товарларга ун, сүт азыктары, эт, балык, дан азыктары, жумуртка, жашылча, көмүр жана бензин кирет. Ошондой эле бул тизмеге минералдык жер семирткичтер жана малдын тоюту да кошулган.

Булак: Zobolo масс-медиасы