Кыргызстанда үшүк жүрөт: дыйкандарга эскертүү берилди

Zobolo — 23–25-октябрь күндөрү өлкөнүн бир катар аймактарында түнкүсүн жана эртең менен үшүк жүрүшү күтүлөт.

Чүй, Талас жана Ысык-Көл облустарынын дыйканчылык аймактарында абанын температурасы -1…-3 градуска чейин төмөндөйт. Чүйдүн түндүгүндө, Таластын Кара-Буура районунда жана Ысык-Көлдүн Түп районунда үшүк -3…-5 градуска чейин жетиши мүмкүн.

Ал эми Ош, Жалал-Абад жана Баткен облустарынын тоо этектеринде 0…-2 градуска чейин суук болору болжолдонууда.

Адистердин маалыматына ылайык, мындай үшүк мөмө-жемиштерге, жашылчаларга, казылып алынган жана ачык калган картошкага, ошондой эле кант кызылчасына зыян келтириши мүмкүн.

Дыйкандарга түшүмдү сактоо үчүн алдын ала чара көрүү сунушталат.

Булак: Zobolo масс-медиасы