Молдовадан 15 млн сомдук алдамчылыкка айыпталган жаран экстрадицияланды

Zobolo — Кыргызстанга ири өлчөмдөгү алдамчылыкка айыпталып, эл аралык издөөдө жүргөн жаран Молдовадан экстрадицияланды. Бул тууралуу Башкы прокуратуранын басма сөз кызматы билдирди.

Маалыматка ылайык, А.Р. аттуу жаран унааларды сатып алуу жана сатуу боюнча бүтүмдөрдү жасоо шылтоосу менен адамдардын ишенимине кирип, алардын акчасын алдап алган деп шектелүүдө. Келтирилген материалдык зыяндын жалпы суммасы 15 миллион сомдон ашканы айтылды.

Кыргызстандын Башкы прокуратурасы менен Молдованын компетенттүү органдарынын өз ара аракеттенүүсүнүн натыйжасында шектүү мекенине кайтарылган.

Өлкөгө келгенден кийин ал тергөө абагына киргизилген.

Тергөө иштери уланууда.

Булак: Zobolo масс-медиасы