Кыргызстанда мигранттарга 13 млн сомдон ашык айып салынды

Zobolo — Кыргызстанда миграциялык мыйзамдардын бузулушун аныктоо жана чет өлкөлүк жарандардын мыйзамсыз иштөөсүнө бөгөт коюу максатында рейд өткөрүлдү. Бул тууралуу УКМКнын басма сөз кызматы билдирди.

Маалыматка ылайык, УКМК менен ИИМ 1–10-октябрь күндөрү «Нелегал» аталышындагы атайын иш-чара өткөргөн.

Рейддин жүрүшүндө чет өлкөлүк жумушчуларды ишке тартуу эрежелерин бузган тараптарга карата 75 протокол түзүлүп, жалпысынан 3 миллион сомго жакын айып салынган.

Мындан тышкары, миграциялык мыйзамдарды бузган 1,5 миңге жакын чет өлкөлүк жаранга жалпы суммасы 10 миллион 480 миң сом айып пул жазылган.

Булак: Zobolo масс-медиасы